दोभान अग्नि पीडितलाई ९७ हजार बढी आर्थिक सहयोग
रेडियो ताप्लेजुङ
असोज २१ गते । दोभान अग्नि पीडितहरूलाई विभिन्न क्षेत्रबाट सहयोग जुट्ने क्रम जारी छ। जसअनुसार बुधबार विभिन्न व्यक्ति तथा ताप्लेजुङ नेवा: संस्कृति समाज काठमाडौँले नगद सहयोग गरेका छन्।
मेरिङदेन गाउँपालिकाका अनुसार पीडित परिवारको राहत, पुनःस्थापना र उद्धार कार्यका लागि ताप्लेजुङ नेवा: संस्कृति समाजले नगद ७१ हजार ५०० रुपैयाँ सहयोग गरेको छ। त्यस्तै, मेरिङदेन गाउँपालिका–३, खाम्लुङ घर भई हाल हङकङ निवासी दुर्गा सामेखामले १६ हजार तथा थिङलाबु निवासी हरि ओख्राबुले १० हजार रुपैयाँ आर्थिक सहयोग उपलब्ध गराउनुभएको छ।
पीडित परिवारहरूलाई क्षतिको आधारमा ताप्लेजुङ नेवा: संस्कृति समाज काठमाडौँले उपलब्ध गराएको रकममार्फत अधिकतम ७ हजारदेखि न्यूनतम २ हजार ५०० रुपैयाँका दरले १६ परिवारलाई उपलब्ध गराइएको मेरिङदेन गाउँपालिकाले जनाएको छ। त्यस्तै, सामेखाम र ओख्राबुबाट प्राप्त रकमबाट अधिकतम २ हजार ५०० र न्यूनतम ८०० रुपैयाँ गरी पीडित परिवारलाई वितरण गरिएको छ।
गत असोज ८ गते दिउँसो आगलागी हुँदा दोभान क्षेत्रका १० घर जलेर नष्ट भएका छन्। आगलागीबाट १६ परिवार प्रभावित बनेका छन् भने करोडौँको क्षति भएको छ।
सूचना : यस रेडियो ताप्लेजुङको वेबसाइटमा प्रकाशित समाचार कुनै पनि छापा वा डिजिटल माध्यममा बिना अनुमति कपी गरी प्रकाशन वा प्रसारण नगरिदिनुहोला। स्पष्ट स्रोत नखुलाएमा विद्युतीय ऐन अन्तर्गत भइ जाने व्यहोरा जानकारी गराइन्छ ।
© रेडियो ताप्लेजुङ
जिसस ताप्लेजुङद्धारा वडादसैँको अवसरमा शुभकामना आदानप्रदान, जिल्लाका समसामयिक विषयमा छलफल
रेडियो ताप्लेजुङ असोज २६ गते । जिल्ला समन्वय समिति ताप्लेजुङले वडादसैँको अवसरमा शुभकामना आदानप्रदान तथा जिल्लाका विभिन्न सरोकारका विषयमा
पापुङमा बर्थिङ सेन्टर सञ्चालनमा
रेडियो ताप्लेजुङ असोज २६ गते । मिक्वाखोला गाउँपालिका वडा नम्बर ५ पापुङमा बर्थिङ सेन्टर सञ्चालनमा आएको छ। एक करोड ४३ लाख रुपैयाँ लागतमा निर्मित
दैनिक उपभोग्य वस्तुको सहज आपूर्ति गर्न व्यवसायीहरूलाई ताप्लेजुङ प्रशासनको निर्देशन
रेडियो ताप्लेजुङ असोज २६ गते । जिल्ला प्रशासन कार्यालय, ताप्लेजुङले दैनिक उपभोग्य वस्तुहरूको सहज आपूर्ति गर्न व्यवसायीहरूलाई निर्देशन दिएको
..jpeg)
.jpeg)
प्रतिकृया दिनुहोस